İran istehsalı olan Covid-19 vaksini uşaqlar üçün ən təhlükəsiz vaksindir

İranın koronavirusa qarşı istehsal etdiyi “Pars Cov İran” peyvəndi uşaqlar üçün əh təhlükəsiz peyvənddir.

AZƏRTAC xəbər verir ki, bu sözləri İranın “Pars sənaye” şirkətinin rəhbəri Dilarəm Dorudi jurnalistlərə açıqlamasında deyib. O bildirib ki, əgər hökumət əhaliyə 3-cü dozanın vurulması barədə qərar qəbul etsə onun rəhbərlik etdiyi şirkət 250 milyon doza peyvənd istehsal etmək imkanına malikdir.

Qeyd edək ki, bütün dünyada Covid-19 virusunun Omicron ştammının rekord yoluxma sayına səbəb olduğu bir şəraitdə İranda yoluxma sayında kəskin azalma var. İranda avqust ayında qeydə alınan gündəlik 50228 yoluxma sayı bu gün (29 dekabr, 2021-ci il) 1905 nəfər təşkil edib.

Şərh yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir