İslam Dünyası Elm Sitat İnstitutunun rəhbəri deyib: Times reytinq məlumat bazası dünyanın gənc universitetlərinin 2023-cü ildəki reytinqini dərc edib. Buna əsasən, İranın 39 universiteti bu reytinqə daxil olub.
İslam Dünyası Elm və Texnologiya Sitat və Monitorinq İnstitutunun (ISC) ictimaiyyətlə əlaqələr üzrə əməkdaşı Seyid Əhməd Fazilzadə deyib: Bu reytinq sistemində 5 ümumi meyar əsasında qiymətləndirilən dünyanın 605 gənc universiteti iştirak edib.
O, əlavə olaraq deyib: Bu arada Mazəndəran Tibb Elmləri Universiteti, Kürdüstan Tibb Elmləri Universiteti, Qəzvin Tibb Elmləri Universiteti, Babel Tibb Elmləri Universiteti, Qum Tibb Elmləri Universiteti ardıcıl olaraq 65, 76, 87, 92 və 100-cü yerləri kəsb edərək, dünyanın ən yaxşı 100 universiteti arasına daxil olublar.
İslam Dünyası Elm Sitat İnstitutunun rəhbəri xatırladıb: Halbuki, Times-in ötən ilki reytinqində İran universitetlərinin yalnız ikisi dünyanın ən yaxşı 100 universiteti arasında idi.
Fazilzadə sözlərinin davamında deyib: Times-in gənc universitetlərinin bu ilki reytinqdə 20 İslam ölkəsindən 213 universitet iştirak edib. Türkiyə, İran İslam Respublikası və Pakistan ardıcıl olaraq 47, 39 və 22 universitetlə İslam ölkələri arasında birinci-üçüncü yerləri əldə ediblər.
O, deyib: Akademik dərəcə baxımından da Qətər Universiteti (24), BƏƏ Universiteti (38), Səudiyyə Ərəbistanının Əl-Feysəl Universiteti (51), Türkiyənin Koç Universiteti (55) və İranın Mazəndəran Tibb Elmləri Universiteti (65) ardıcıl olaraq İslam ölkələri arasında 1-ci və 5-ci yerləri tutublar.
İslam Dünyası Elm Sitat İnstitutunun rəhbəri deyib: Times reytinqi ən məşhur beynəlxalq reytinq sistemlərindən biridir və hər il dünyanın ən üstün universitetlərini 13 fəaliyyət göstəricisi əsasında, təhsil, tədqiqat, sitatlar, sənaye gəliri və beynəlxalq sima olmaqla 5 əsas meyar çərçivəsində qiymətləndirib reytinqləşdirir.
O, əlavə edərək deyib: Bu reytinq 50 ildən az keçmişə sahib dünyanın ən üstün gənc universitetlərindən sayılan 605 universitetə şamil olur. 2023-cü ilin reytinqi ən üstün gənc universitetlərin 11-ci siyahısıdır. Bu reytinq 2012-ci ildən indiyədək hər il Times reytinq bazası tərəfindən həyata keçirilir.
Fazilzadə deyib: Şərif Sənaye Universiteti, Tehran Universiteti, Tehran Tibb Elmləri Universiteti və Şiraz Universiteti ölkənin ötən illərdə bu reytinqdə iştirak edən digər universitetlərindəndir. Amma indi 50 ildən çox keçmişə sahibdirlər və gənc universitetlərin reytinqdə iştirak edə bilmirlər.